O Concello creou a plataforma Fórmate Lugo, unha ferramenta destinada a ofrecer cursos a desempregados e traballadores afectados por Ertes e a autónomos en situación de cesamento de actividade pola a pandemia de Covid-19. A través desta plataforma, segundo anunciou a alcaldesa, Lara Méndez, ofertaranse 50 cursos online de 14 áreas profesionais. todos de xeito totalmente gratuíto.
As materias foron seleccionadas polo persoal do servizo de orientación laboral, que dirixe o concelleiro Mauricio Repetto, previa consulta cos diferentes sectores económicos e tendo en conta os empregos máis demandados no mercado laboral. Así, detallou Lara Méndez, inclúense cursos de turismo, idiomas, industria agroalimentaria, comercio, mercadotecnia, administración de empresas, dixitalización ou xestión de datos, entre outros moitos.
En total, ofertaranse 850 prazas, para maiores de 16 anos que estean empadroados en Lugo. Se sobran poderán apuntarse o resto de lucenses, aínda que non sexan desempregados, afectados por Erte ou autónomos en cese de actividade.
Os cursos terán unha duración de entre 15 e 210 horas lectivas, dependendo da materia. O prazo de inscrición ábrese o luns día 15, poderá realizarse na web FormateLugo.gal.
