O executivo local tomou razón, na xunta de goberno celebrada este mércores, da sentenza firme pola que se declara desconforme a dereito e anúlase a resolución adoptada en agosto de 2014, pola que se validaba a construción dunha estación de servizo vinculada ao hipermercado de Centros Comerciais Carrefour S.A. O executivo, segundo anunciou o edil de urbanismo sostible, Miguel Couto, daralle continuidade agora ao trámite administrativo "para repor a legalidade o máis axiña posible".
Este trámite implica que a gasolineira instalada no centro das Saamasas terá que ser pechada, despois de que o Tribunal Supremo confirmase a sentenza do TSXG pola que se declaraba ilegal a instalación. A investigación do caso, que foi denunciado polo propietario dunha gasolineira situada enfronte, determinou que, entre outros problemas, a estación de servizo ten un fundamental de seguridade, derivada da situación dos depósitos de combustible.
