A concelleira de Participación e Servizos para a Veciñanza de Lugo, Cristina López, está a participar estes días na feira internacional de produtos e servizos funerarios FunerMostra, que se celebra en Valencia, co obxectivo de coñecer as últimas novidades no sector, pero tamén para "avanzar de face á creación dun espazo para mascotas no Cemiterio Municipal" a cidade.
En declaracións aos medios de comunicación, Cristina López explicou que o goberno local segue "planificando o traballo para mellorar o Cemiterio Municipal" de Lugo, "mellorando as instalacións", pero tamén atendendo "ás solicitudes que fan as veciñas e veciños" da cidade.
Enquisa: ¿Cre que se debe crear un espazo para mascotas no cemiterio de San Froilán?
Nese sentido, recordou que o de Lugo é "un dos poucos cemiterios de xestión totalmente pública de todo o Estado", pero o goberno local traballa para "contar cun cemiterio de referencia a nivel internacional".
A 16ª edición de FunerMostra, onde López reuniuse con representantes "de distintas entidades do sector funerario e cemiterios do Estado e Internacionais", reúne estes días a strong<> máis de 2.000 profesionais e conta con presenza de 106 empresas expositoras.
