A xunta de goberno local ten previsto aprobar este mércores nove licenzas de obra, entre elas unha para reformar un edificio da Rúa do Miño, na Tinería, para destinalo a establecemento hostaleiro con apartamentos, tipo estudo, con categoría de dúas estrelas.
O proxecto conta cun orzamento de 270.260 euros e un prazo de execución de 36 meses.
Ademais, na sesión darase luz verde a outras obras no centro histórico, como a reforma dunha fachada na Praza do Campo e o acondicionamento da planta baixa dun inmoble na rúa Anxo López Pérez para destinalo á actividade inmobiliaria.