martes. 25.02.2020 |
El tiempo
martes. 25.02.2020
El tiempo

Comeza a última fase de demolición do vello Hospital Xeral en Lugo

Obras de demolición do vello Xeral. XESÚS Ponche
Obras de demolición do vello Xeral. XESÚS Ponche

As obras comezarán o mércores, co baleirado dos inmobles e o valado de todo o perímetro

A Xunta anunciou o inicio da última fase das obras de demolición dos edificios que formaban parte do complexo do vello Hospital Xeral, no barrio da Residencia, e unha vez derrubado o edificio de hospitalización agora tocaralle a quenda á lavandería e á antiga central térmica.

A Consellería de Sanidade iniciou este martes esas obras, coa firma da acta de reformulo, uns traballos que contan cun orzamento de 301.827 euros, cantidade que se suma aos 3,2 millóns de euros que custou derrubar o pavillón central do Hospital Xeral.

O Sergas encargoulle estes traballos de demolición á empresa pública Tragsa, que ten un prazo de execución de tres meses para completalos.

As obras comezarán o mércores, co baleirado dos inmobles e o valado de todo o perímetro, para continuar nas próximas semanas coa retirada dos depósitos de fuel e a demolición de ambas as edificacións.

Esas dúas edificacións están situadas na esquina suroeste do antigo complexo, na confluencia entre as rúas Serra de Outes e Orquídea, en Lugo, e datan dos anos 70.

Comeza a última fase de demolición do vello Hospital Xeral en Lugo
Comentarios