O presidente da Asociación Provincial de Empresarios de Hostalería e Turismo de Lugo (Apehl), Cheché Real, anunciou este mércores que a entidade vai participar de novo na Volta a España co posto de ...E para comer, Lugo, da man de Turismo de Galicia e coa colaboración de varios consellos reguladores e asociacións de produtores.
A situación xerada pola pandemia non permitiu que a caseta de ...E para comer, Lugo viaxase por toda España coa Volta como viña sendo habitual nos últimos oito anos, "pero este verán será de novo posible", dixo Real. Será, polo tanto, a novena vez que o posto de ...E para comer, Lugo sexa instalado na zona VIP das 21 saídas de etapa.
O posto será instalado na zona VIP das 21 saídas de etapa
Será atendido por persoal da Asociación e, ademais de facer promoción turística da provincia, aos visitantes (ciclistas, patrocinadores, xornalistas especializados...) ofreceránselles aperitivos elaborados con produtos de Lugo, ademais de distribuír exemplares da última edición da guía turístico-gastronómica ...E para comer, Lugo.
No acto de presentación da caseta, ademais do presidente de Apehl, estiveron presentes a directora de Turismo de Galicia, Nava Castro
Na súa intervención, Real agradeceu o seu apoio á Xunta de Galicia e aos produtores lucenses que "abastecen o posto da materia prima necesaria para realizar as degustacións".