Unha aseguradora da Praza Maior con traseira á Praciña do Colexio, enfronte do Círculo das Artes, optou por protexer as súas fiestras traseiras cuns enreixados de seguridade.
Neste enclave, axentes da Policía Nacional rexistraron varios mozos en días pasados como medida preventiva de posibles casos de tráfico de estupefacientes na zona.
Hai un par de semanas, unha operación policial contra o trapicheo de droga levada a cabo na Praciña do Colexio saldouse con dous mozos detidos como presuntos autores dun delito contra a saúde pública, xa que foron sorprendidos cando vendían marihuana a outros mozos.
Os axentes da Policía Nacional vixían con frecuencia a rúa onde se produciron os arrestos, nas inmediacións da Praza Maior, xa que é un lugar no que se reúnen a diario varios grupos de mozos, algúns dos cales dedícanse á venda de estupefacientes.
