jueves. 02.04.2020 |
El tiempo
jueves. 02.04.2020
El tiempo

O colexio Casás mobiliza 20 familias que farán mascarillas con teas do Arde Lucus

Dous dos catro bloques que compoñen o centro educativo de Casás. AEP
Dous dos catro bloques que compoñen o centro educativo de Casás. AEP
Utilizarán a impresora 3D do centro educativo 

O colexio de Casás mobilizouse para sacarlle partido á impresora 3D do centro educativo, neste momento no que as clases están suspendidas, e utilizar ese equipo para fabricar máscaras-pantalla de protección fronte ao coronavirus con retales que sobraron de confeccionar os traxes para a festa Arde Lucus, ademais de mobilizar a unha vintena de familias da comunidade educativa para facer máscaras de tea.

Fontes da propia dirección do centro educativo explicaron que foi o mércores cando comezaron a organizarse para fabricar “máscaras con pantalla” coa impresora 3D, ademais de comunicarse coas familias da comunidade educativa para implicalas neste movemento solidario.

A dirección do centro púxose en contacto cos pais dos alumnos e, ademais de varios profesores, unha vintena de familias sumáronse á iniciativa para fabricar tamén máscaras de tea nas súas casas.

As primeiras máscaras foron entregadas ao Centro de Saúde da Milagrosa

A tea para a fabricación desas máscaras doouna a Anpa do centro e procede, en gran medida, dos retales que sobraron da confección dos traxes para a festa do Arde Lucus, cedidos no seu momento polo Concello de Lugo, aínda que tamén hai familias que achegan tea para cortar.

A profesora Maica Cancelo, que se está ocupando de coordinar a fabricación das pantallas plásticas coa impresora 3D, precisou que este equipo ten capacidade para producir unhas cinco ao día e as primeiras foron entregadas no Centro de Saúde da Milagrosa, porque realmente os sanitarios “non tiñan” prácticamente “nada” para protexerse.

En canto ás máscaras de tea, precisou que cada familia as confeccionará na súa casa, pero despois a xestión do repartición correrá a cargo do centro, que xa solicitou a colaboración dunha ONG, así como da Policía e da Guardia Civil.

O colexio Casás mobiliza 20 familias que farán mascarillas con teas...
Comentarios