Decenas de persoas atópanse a esta hora esperando a súa quenda na Praza Maior de Lugo para realizar un test de antíxenos no dispositivo móbil que habilitou este sábado a Xunta de Galicia.
A unidade móbil funcionará en horario de mañá de 12.00 a 14.00 horas e de 17.00 a 20.00 horas en horario de tarde.
A Xunta habilitou dispositivos móbiles en diferentes puntos das sete grandes cidades galegas nos que se ofrecerá a realización de test de antíxenos a aquela poboación que non dispoña da pauta completa de vacinación, así como a expedición do correspondente certificado co resultado desta proba.
A Xunta realiza esta experiencia piloto "coa intención de aumentar a capacidade diagnóstica de Galicia e quere, desta forma, axudar á cidadanía galega a familiarizarse con este sistema co que se verá obrigada a convivir mentres a situación epidemiolóxica non mellore e o proceso de vacinación non chegue a unha porcentaxe aínda maior da poboación", indícase na nota.