Un rechamante accidente rexistrado sobre as once e media da mañá deste mércores na Avenida das Américas saldouse sorprendentemente sen feridos, aínda que con importantes danos materiais.
A muller atopábase parada e ao arrincar o seu turismo confundiu os pedais e acelerou bruscamente. O vehículo saíu disparado, cruzou a mediana e chocou contra tres coches que estaban aparcados. No momento do accidente, a zona atopábase chea de peóns, que levaron un bo susto ao ver que o turismo daba bandazos de forma descontrolada.
