O Club Petanca Lugo, en colaboración co Concello de Lugo e a comisión de festas do barrio da Milagrosa, celebrará o domingo 15 de setembro o II Torneo de Petanca das festas da Milagrosa.
Nesta segunda edición, participarán 24 equipos. Algúns deles virán de Ribadeo, Monterroso, Lalín ou Vigo, pero tamén doutras comunidades autónomas como Asturias ou Cantabria.
O torneo levará a cabo nas catro pistas municipais permanentes de petanca do parque da Milagrosa e disporanse oito máis noutros puntos do parque, para dar cabida aos 72 participantes desta competición. Xogarán equipos de tres xogadores.
