O Club Fluvial anuncia que o día 31 de agosto quedará aberta a nova tempada de fitness, que neste curso contará con varias novidades en canto a ampliación de disciplinas e incremento de grupos, pero con redución do número de participantes, para cumprir así coa normativa de seguridade fronte ao Covid-19. Ademais, ata o día 11 de setembro, todos os socios poderán probar as disciplinas que desexen de forma gratuíta.
As 25 actividades de fitness levarán a cabo en horarios de 8.00 a 21.45 horas, incrementando as clases simultáneas, ata cinco ao mesmo tempo.
Moncho Busto, responsable desta programación, explica que o principal obxectivo que se busca co incremento de grupos é poder reducir ata un máximo de 12 o número de participantes de cada clase e cumprir coa normativa fronte ao Covid-19.
ás modalidades de fitness que xa se practicaban outros anos, esta tempada súmanse as de bosu, bunguee fit, walking fit, ballet fitness e taichí.
