Lunes. 19.11.2018 |
El tiempo
Lunes. 19.11.2018
El tiempo

Citan ás familias lucenses que recorreron á xestación subrogada en Ucraína

Ucraína é un dos poucos países de Europa onde a xestación subrogada está regulada por lei e permitida para estranxeiros
Ucraína é un dos poucos países de Europa onde a xestación subrogada está regulada por lei e permitida para estranxeiros

Confían en poder obter o pasaporte español para os recentemente nacidos

O consulado español en Ucraína retomou este luns as citas para o "recoñecemento paterno" dos bebés nacidos por xestación subrogada en Ucraína, segundo informou a Europa Press unha das familias galegas que se atopan neste país á espera de poder obter o pasaporte español para estes recentemente nados. 

En concreto, xunto a outras familias españolas, permanecen neste país catro procedentes de Galicia, das que dúas son de Vigo e unha de Lugo. A elas, súmase unha cuarta, na que gestante ucraína á que recorreron tivo hai pouco o bebé. 

Todas elas foron xa citadas polo consulado español para facer o recoñecemento paterno", unha cita á que acode "a gestante, un tradutor e o pai". Así o explicou a Europa Press unha das familias galegas, que xa recorreu con anterioridade á xestación subrogada neste país.

PASAPORTE ESPAÑOL. Sobre a concesión do pasaporte español aos bebés, sinalou que "confirmado non está", pero ratificou que se lles deu cita "a todas as parellas" con bebés nacidos dunha gestante ucraína antes de finais de agosto. "Ata o 29 de agosto", concretou. Mentres, sobre as citas co consulado, explicou que nelas se verá "que toda a documentación está correcta e logo enviarana a Madrid". 

"A intención é dalos, pero nunca falan claro", afirmou ao ser preguntado se se lles confirmou que se concederá o pasaporte español aos bebés, algo que reclaman as familias. "Supomos que si", indicou, no entanto. 

Sobre este proceso, precisou que, xunto ao pasaporte, en caso de concedelo para o recentemente nado, virá "o libro de familia onde está o bebé, o pai e a gestante, xa que para España nai é a que pare, —recorda— e copia de inscrición do rexistro civil". Ademais, subliña que a gestante ten que asinar unha autorización "para viaxar o pai co menor" fóra de Ucraína. 

Citan ás familias lucenses que recorreron á xestación subrogada en...
Comentarios