O Círculo das Artes retoma este venres "todas as súas actividades". A entidade, cuns 5.000 socios, reabre as súas instalacións na xornada na que a maior parte de Galicia inicia unha nova desescalada.
Os seus responsables subliñan que, "como viña facendo ata agora", cumpriranse "escrupulosamente" as indicacións das autoridades sanitarias, entre as que están o uso obrigatorio de máscara, a hixiene de mans e a distancia interpersoal. Ademais, as reunións non poderán ser de máis de catro persoas.
A cafetería do Círculo, que inclúe un servizo de menú do día, abrirá de 11.00 a 18.00 horas.
