Axentes da Policía Local de Lugo interceptaron a media tarde do pasado 11 de outubro a un condutor que circulaba co seu vehículo de forma "irregular" polo centro da cidade. Sucedeu ás 18.30 horas, cando unha patrulla viu que un coche circulaba de forma estraña por Camiño Real.
Ao darlle o alto e decatarse de que presentaba síntomas de haber consumido algún tipo de sustancia estupefaciente, o condutor foi sometido a un test de drogas, no que deu positivo por consumo de cannabis e cocaína.
Ese mesmo día, ao mediodía, outro condutor, que tamén circulaba de forma irregular, no seu caso polo polígono das Gándaras, deu tamén positivo por consumo de cannabis ao ser sometido ao correspondente test de drogas.
Ambos os condutores, resaltan as mesmas fontes policiais, foron sancionados con multa de mil euros e a retirada de seis puntos do permiso de condución e os vehículos inmobilizados.
A Policía Local tamén interceptou a pasada madrugada na Ronda da Muralla, sobre as 03:30 horas, a un condutor ebrio que case duplicou a taxa de alcol que carecía de carné, porque xa esgotara todos os seus puntos.
