A CIG denunciou este martes "colapso en urxencias" do Hula "por falta de camas", algo que desmentiu a xerencia do centro, que asegurou que a demanda asistencial é inferior á media.
A central nacionalista, en tanto, falou de varios días de colapso por falta de camas, ao haber 102 pechadas, e asegurou que a situación foi extrema o luns e martes. Así, asegurou que había nove pacientes en espera de cama e outros cinco agardando para ingresar en observación.
O Hula, en tanto, rexeitou que exista ningún colapso e asegurou que hai camas libres para afrontar a demanda e que se reforza o persoal cando é necesario.