A CIG e USO esixen á Deputación que rescate o contrato de limpeza coa empresa Tempo Facility Services pola falta de pagamento dos salarios das traballadoras do servizo de limpeza dos museos provinciais, o Pazo de San Marcos e o Pazo Provincial dos Deportes.
As operarias teñen pendente de cobro as nóminas de novembro e decembro e a paga extra.
Os sindicatos, que convocaron este martes unha protesta na Praza de San Marcos, recordan que desde a adxudicación do contrato a esta firma os incumprimentos laborais “estanse repetindo de forma constante”.
A finais de agosto xa houbo problemas porque a empresa non respectou as melloras pactadas pola anterior concesionaria, Eulen, o que motivo a interposición dun conflito colectivo por parte de ambas as centrais sindicais que se axuizará a finais deste mes.