CIG-Saúde remitiu este venres un escrito presentado por enfermeiras de Urxencias no que se insiste en que se utiliza a zona de observación do servizo como área de ingreso "sen as máis mínimas garantías de calidade asistencial". Quéixanse de que "o hacinamento" de enfermos impide facer un correcto control deles e, dado que a afluencia de pacientes non aumentou, volve concluír que o problema é "a falta de saída cara ás unidades de hospitalización".
"Detectamos de modo habitual que non hai camas dispoñibles tanto en hospitalización como na unidade de observación, e aínda habéndoas e tendo os pacientes a cama asignada, estes tardan horas e mesmo quendas enteiras en saír de Urxencias permanecendo perdidos mentres as camas están baleiras", recolle o escrito.
Pola súa banda, desde a xerencia do Hula négase rotundamente que se deixe os pacientes en observación máis tempo do necesario ou que se utilice esa zona do servizo de Urxencias como área de ingreso. A dirección recordou que é o facultativo o que decide que un paciente debe quedar un tempo en observación, unha medida que se toma por motivos clínicos para ver como se desenvolve o seu problema de saúde e se debe ser hospitalizado ou pode recibir o alta. Insiste en que hai camas libres e a afluencia é a normal para a época.
