José Álvarez Flores asumirá o posto de coordinador de Ciudadanos en Lugo. En tanto, Manuel Vicente farase cargo dese labor na Mariña.
Os nomeamentos enmárcanse nun proceso de renovación en toda Galicia. Así, a formación elixiu o xoves as súas xuntas directivas para Vigo, A Coruña, Pontevedra, Ourense, Lugo e Santiago, así como nos municipios pontevedreses da Lama, A Guarda e Vilagarcía de Arousa, nos coruñeses de Oleiros, Cambre e Cee, e na Mariña. Todas as agrupacións teñen novos coordinadores.
Segundo a formación laranxa o obxectivo é o de seguir "traballando" coa vista posta nas eleccións municipais do 2023. "O partido quere aprender dos erros cometidos no pasado para dar cabida a un proxecto liberal e progresista nas corporacións locais dos concellos", explica.
A nova Xunta Directiva de Ciudadanos Vigo dá cobertura non só á urbe olívica, senón tamén aos municipios do Porriño e ás comarcas de Val Miñor e O Morrazo. O seu coordinador é Miguel Blanco.
En canto á Coruña, os afiliados elixiron nova dirección capitaneada por Abel García como novo coordinador, mentres que en Santiago de Compostela ocupa este cargo Miguel Freiría. En Pontevedra, dirixe Ciudadanos Carlos Fontán; e en Ourense, María Rodríguez Outeiriño.
Así mesmo, a agrupación de Vilagarcía —que engloba tamén Cambados e Sanxenxo— ten a Gerardo Santos como novo coordinador; a da Lama, a José Pardo Lopo; e na Guarda, Rafael Pablo Rodríguez Amenedo. Ciudadanos Cee está dirixido agora por Juan Hermida; en Cambre, por Andrés López; e en Oleiros, por Ricardo Barajas.
Tras darse a coñecer os novos responsables, a coordinadora de Cs en Galicia, Beatriz Pino, deulles o seu parabén a través da súa conta de Twitter, na que dixo confiar en que estes procesos internos dean ao partido "máis ganas de seguir traballando para os galegos".
#Galicia
— Beatriz Pino (@Beatriz_Pino_) January 31, 2021
Nuestros afiliados han elegido sus nuevas juntas directivas de agrupaciones. Se culmina así el proceso de renovación interna de estructuras del que salimos con más ganas de seguir trabajando para los gallegos 💪🏻🍊
👏🏻Mi enhorabuena a nuestros nuevos equipos! @CsGalicia
