A finais do pasado novembro Alberto Carballeira púñase á fronte da librería Cidade Norte, sita na esquina da Avenida da Coruña con Manuel María. Este negocio combina a venda de prensa e papelería coa de lotería.

Dous meses logo dese cambio de titularidade repartía un primeiro premio, foi chegar e bicar o santo. Un décimo do número 64.758, que foi adquirido en máquina, era agraciado con 30.000 euros no sorteo do xoves da Lotería Nacional.

A repartición dese primeiro premio é "un agasallo anticipado", afirmaba Alberto Carballeira, que este domingo cumprirá 45 anos. Este empresario decidiu a esta idade dar un xiro profesional á súa vida. Non se dedicou ao negocio de librería e lotería. "Buscaba algo diferente, xurdiu esta oportunidade e decidín aproveitala", explicaba este venres.