A cifra de positivos nos centros educativos de Lugo segue aumentando na provincia de Lugo, onde xa son 51 os alumnos contaxiados e 34 os centros afectados, sete máis que este xoves.
Segundo os datos achegados este venres pola Consellería de Sanidade, na provincia hai cinco aulas pechadas, a última, unha unidade da Escola Infantil Quicos de Lugo, que entra na lista de centros afectados polo coronavirus.
Incorpóranse á listaxe, ademais, catro colexios e institutos de Lugo e Viveiro: o CIFP As Mercedes, o CPR Plurilingüe Cervantes e o IES Sanxillao na cidade da muralla e a CEP Luís Tobío na localidade mariñá.
GALICIA. A pandemia do coronavirus continúa estendendo nos centros educativos de Galicia, cunha xornada de incrementos nas sete áreas sanitarias da comunidade autónoma, e que elevan a cifra total a 685 contagios activos, 46 máis que o
Tamén aumentaron os centros educativos nos que se contabiliza polo menos un positivo por coronavirus, concretamente 384, 25 máis que no anterior reconto.
A pesar da propagación constante da epidemia, son 22 as aulas que permanecen pechadas, unha menos que no anterior reconto, e hai un único centro clausurado por completo, o punto de atención á infancia de Boborás.
A área sanitaria de Ourense volveu a empeorar as súas cifras, con 157 casos, catro máis que este xoves, que a consolidan como a máis afectada, pero ten dúas aulas pechadas, tres menos que anteriormente.
A área de Vigo continúa aumentando a transmisión e xa acumula 139 contagios nas súas escolas infantís e centros de educación non universitaria, nove máis que o xoves, por sete aulas pechadas; igual que A Coruña, con 113 casos, oito máis, e tres aulas pechadas, unha máis; e que Santiago de Compostela, con 112 casos, oito máis, e tres aulas pechadas.
Pontevedra acumula 68 contagios, un máis que o xoves, e dúas aulas pechadas; Lugo, 51, sete máis, e cinco aulas pechadas, unha máis; e Ferrol, 45 casos, nove máis, e ningunha aula pechada.
Os
