O Caudal Fest custoulle ao Concello 217.000 euros, que é o importe da subvención dada á empresa organizadora e case o dobre da achega das arcas municipais ao San Froilán de 2017, que foi de 139.000 euros, segundo a comparativa achegada por Cs durante a comparecencia plenaria da alcaldesa para explicar a achega de Lugo ao festival.
Lara Méndez dixo que foron os técnicos os que decidiron que se usase a fórmula da subvención e non un contrato de patrocinio, algo que non se descarta para as seguintes edicións. A rexedora xustificou o gasto polo retorno para a cidade do festival, que dixo que "reventou as expectativas".
