Os casos de violencia de xénero continúan á alza en Lugo, onde non deixaron de crecer no último lustro, tal e como pon de manifesto as estatísticas de Interior. Segundo os datos oficiais, este mes de maio arrincou na provincia cun total de 604 casos activos, un 7,47% máis que no mesmo mes do ano anterior, cando se contabilizaban 562 casos.
Estas cifras pon de manifesto que, lonxe de solucionarse, a secuela da violencia machista vai en aumento, xa que na mesma data de 2020 había rexistrados 485 casos activos, en 2019 había 461 e en 2018 contabilizábanse un total de 447. Así, nos últimos cinco anos, as denuncias por esta causa incrementáronse un 35% na provincia de Lugo.
A violencia de xénero non afecta unicamente ás mulleres, senón tamén a numerosos menores que ven obrigados a vivir nun clima conflitivo. De feito, dos 604 casos activos cos que arrincou o ano en Lugo, nun total de 60 casos hai menores "en situación de vulnerabilidade" e noutros tres supostos hai nenos "en situación de risco".
Ademais, en dous casos, as propias vítimas aínda non cumpriran a maioría de idade. Con estas cifras, que ademais non inclúen a realidade de todas as vítimas que non se atreven ou non se deciden a denunciar ao seu agresor, as distintas administracións con competencias na materia continúan incrementando os recursos dedicados a protexer e axudar ás mulleres maltratadas.
En Lugo, a subdelegada do Goberno, Isabel Rodríguez, anunciou a semana pasada a creación dun servizo de atención integral 24 horas para vítimas de violencia de xénero.
Radiografía dos malos tratos
O informe anual do Observatorio Estatal da Violencia sobre a Muller, presentado a semana pasada ao Consello de Ministro, reflicte unhas conclusións preocupantes:
► A maioría de agresións prodúcense os fins de semana e denúncianse os luns.
► As vacacións, cando as parellas comparten máis tempo, son un período crítico.
► Desde 2015 hai máis mortes, e tamén máis denuncias, un dato pouco esperanzador.
► Estes delitos non só se comenten en intimidade do fogar, tamén en lugares de lecer.
► Hai que facer unha valoración independente da execución do Pacto de Estado.