O Grupo Fotocinematográfico Fonmiñá recibiu un total de 1.474 películas, entre curtos e longametraxes, que aspiran a participar na XLIII Semana de Cine de Lugo, que se celebrará entre os días 20 e 26 de setembro.
Desas 1.474 producións, 1.286 foron recibidas a través da plataforma Fest Home, 142 a través de Click For Festival e 46 de forma directa —34 a través dos seus directores ou produtores e outras 12 remitidas polas empresas distribuidoras—.
Das películas que aspiran a ser proxectadas na Semana de Cine de Lugo, 923 son producións españolas, 42 proceden de Brasil, 39 son de Francia, 38 de Arxentina, 36 de Chile, 19 de México e 11 dos Estados Unidos.
Ademais, hai 29 producións galegas que tamén competirán por formar parte da programación do certame, organizado co apoio da Deputación, Concello, Xunta de Galicia e a USC-Campus de Lugo.
