Non hai metas imposibles. Demostrárono os atletas Óscar Rodríguez e Enrique Telo, que este domingo pola mañá completaron con éxito a carreira de 24 horas contra o cancro e aínda seguiron correndo.
E é que, tras culminar o seu xesta na muralla, Rodríguez e Telo continuaron correndo ata As Termas, onde arrincaba a última cita do Corre con Nós. Alí, o resto dos corredores abríronlles un corredor e recibíronlles entre aplausos.
Foi o final a unha carreira moi motivadora e que, a falta do reconto final, logrou reunir uns 1.500 euros. é un diñeiro que a asociación Somos Unidos por el Cáncer destinará a manter os servizos que ofrece aos enfermos, como o piso para quen teñen que desprazarse a Lugo para recibir tratamento contra a enfermidade.
O diñeiro servirá tamén para desenvolver outros programas para os pacientes e para formar aos voluntarios que colaboran coa asociación, explicou este domingo José Manuel Vázquez, presidente de Somos Unidos por el Cáncer
Incluso houbo enfermos que se sumaron á iniciativa como Miram Vázquez, unha moza lucense que gañou xa varias batallas contra o cancro, e contra o que volve a loitar neste momento
Vázquez mostrábase este domingo emocionado e agradecido tanto coa carreira de 24 horas de Rodríguez e Telo como coa resposta de decenas lucenses e de galegos chegados de case todos os puntos da comunidade.
Os atletas completaron 67 voltas á muralla e non estiveron sos case en ningún momento. Salvo o sábado á hora para comer, o resto do tempo houbo sempre xente correndo ou camiñando xunto aos atletas. Nin queira durante a noite estiveron sos e algúns dos apoios recibidos conmoveron especialmente aos participantes na dura proba. Un dos exemplos de solidariedade deuno unha corredora invidente dun club de atletismo de Sada, que deu sete voltas á muralla para apoiar a iniciativa solidaria.
"Chegou xente de Monforte, de Coruña, de Ferrol, de Boimorto...", contaba este domingo José Manuel Vázquez, que non paraba de dar conta dos puntos de orixe de moitos dos que se achegaron a Lugo a visibilizar a loita contra o cancro.
Incluso houbo enfermos que se sumaron á iniciativa. Foi o caso de Miram Vázquez, mozo lucense que gañou xa varias batallas contra o cancro, co que volve estar loitando neste momento. Contaba que, vendo o entusiasmo da xente, non se puido resistir e tamén se lanzou a camiñar polo adarve do monumento romano, e iso que saía dunha semana moi dura de tratamento, recoñecía.
Outros moitos lucenses colaboraron achegándose a dar apoio moral á iniciativa e adquirindo bolígrafos, libro, gorras e outros produtos de merchandising.
TEATRO SOLIDARIO. Tras unha fin de semana no que a asociación sentiu que fixo historia grazas ao empeño de Óscar Rodríguez e Enrique Telo, a asociación prepárase xa para a próxima cita solidaria. Será este próximo sábado, no Auditorio, onde Nova Escena Teatro porá en escena unha obra a favor de Somos Unidos por el Cáncer. Será ás 21.00 e a obra é Pensión 13.
