Cáritas Diocesana de Lugo atendeu directamente a 6.260 persoas durante o 2020, segundo explicou este venres o seu director Ginés Praza na presentación das memorias sobre as actividades desenvolvidas pola organización benéfica católica o pasado ano.
Esta cifra representa un incremento de 951 usuarios respecto dos datos facilitados en 2018, nun ano azoutado pola pandemia. No acto tamén interviñeron Mónica Yáñez, secretaría xeral e Antón Negro, delegado episcopal.
Ginés Praza aclarou que Cáritas contou con strong <>un orzamento de 507.275,64 euros, froito das doazóns, para axudar a persoas vulnerables. Deles, destinou 108,153,96 euros para alimentación, 104.031,28 euros para axudas no pago ou aluguer de vivenda, 50.641,31 para a compra de subministracións e 45.544,46 en prestar axuda a domicilio.
A organización benéfica tamén prestou especial atención á realización de actividades con persoas por valor de 84.423,51 euros. Así mesmo, o uso do roupeiro de Cáritas foi, de novo, un dos servizos sociais máis demandados polos usuarios.
Segundo Cáritas, o 43% das persoas beneficiarias destes programas de axuda social son de nacionalidade española
Por iso, foron atendidas 1.023 persoas no roupeiro de Lugo, 351 en Monforte, e 120 en Sarria. Para o desenvolvemento e implantación dos seus programas e actividades, Cáritas Diocesana de Lugo conta coa colaboración desinteresada de 396 voluntarios e 29 traballadores.
PROGRAMAS. A organización católica desenvolve un amplo protocolo de intervención social que inclúe os programas Contade connosco, de axuda a inmigrantes, Participa connosco ou Vivir na casa, de atención a maiores. Así como en programas de axuda a mulleres vítimas de violencia, promoción da saúde, de emprego, atención á infancia e á mocidade ou a familias en desvantaxe, entre outros.
Segundo Cáritas, o 43% das persoas beneficiarias destes programas de axuda social son de nacionalidade española, o 49% son extracomunitarios e o 5% restante son de procedencia comunitaria.