Axentes da Policía Local de Lugo capturaron este mércores, sobre a medianoite, a un poni que vagaba solto polos xardíns situados fronte á rúa Serra de Meira, onde estaban os depósitos de Campsa, no barrio da Estación.
Dous policías encargáronse de atar ao animal para evitar que saíse á vía e provocase un accidente ou algún incidente, mentres buscan ao dono do animal.
