Un camión articulado saíu este xoves da vía cando circulaba pola A-6, nas proximidades da parroquia de Nadela –á altura do quilómetro 488,000–.
O suceso rexistrouse sobre as sete e cuarto da mañá e as primeiras investigacións apuntan a que a causa do accidente foi un desmaio do condutor. O vehículo saíu da estrada pola marxe dereita e circulou varios metros pola beiravía, ata que se detivo, sen que se rexistrasen máis consecuencias.
O condutor sufriu feridas leves e foi trasladado ao Hula.