sábado. 21.05.2022 |
El tiempo
sábado. 21.05.2022
El tiempo

Cámara e Santander convocan o IV Premio Peme do Ano 2020 en Lugo

2020060907542348978
Entrega da pasada edición do premio Peme do Ano en Lugo, que recaeu en Torre de Núñez. PEPE TEJERO (AEP)
O prazo para optar ao galardón, no que colaboran Cámara de España e El Progreso, arrincou este luns e finaliza o 18 de setembro

O Banco Santander e a Cámara de Comercio de Lugo, en colaboración coa Cámara de España e o diario El Progreso, convocan a cuarta edición do Premio Peme do Ano 2020, que ten como obxectivo recoñecer o labor das pequenas e medianas empresas como xeradoras de riqueza e creadoras de emprego no desempeño do seu labor cotián. O prazo de presentación de candidaturas para optar ao galardón abriuse este luns e pecharase o próximo 18 de setembro.

A convocatoria está aberta a todas as pequenas e medianas empresas da provincia con menos de 250 empregados e cunha facturación anual inferior aos 50 millóns de euros no exercicio 2019. O xurado, ademais de elixir a Peme do Ano, poderá conceder catro accésits nas categorías de Internacionalización, Innovación e Dixitalización, Formación e Emprego, e Empresa Responsable. Ademais, con carácter extraordinario, nesta edición incluíuse unha mención especial á Mellor Iniciativa na Loita contra o Covid-19 levada a cabo en 2020.

A empresa que gañe o certame concorrerá ao Premio Nacional Peme do Ano 2020, que se fallará no primeiro trimestre de 2021. Igualmente, as empresas gañadoras dos diferentes accésits e da mención especial concorrerán ao Premio Nacional nas súas respectivas categorías.

Poden optar pemes con facturación anual inferior a 50 millóns e menos de 250 empregados. Valorarase a loita contra o Covid-19

PARTICIPACIÓN. As empresas interesadas en optar ao premio deberán encher o formulario de inscrición que atoparán na web da Cámara de Comercio de Lugo, onde tamén se poden consultar as bases do concurso.

Como nas pasadas edicións, o xurado valorará nas súas deliberacións distintos méritos, como a creación de emprego, con especial atención ao emprego indefinido; as accións de formación para os empregados; a actividade internacional, fixándose na evolución das exportacións e na apertura a novos mercados; as iniciativas de dixitalización e innovación, así como os proxectos socialmente responsables. Este ano, con carácter especial, tamén se valorarán as accións levadas a cabo para loitar contra o Covid-19.

O Premio Peme do Ano consolídase con esta cuarta edición como unha das convocatorias de máis prestixio no mundo empresarial. Na súa terceira edición, en 2019, inscribíronse 1.552 empresas de todo o país e desde 2017, ano da súa implantación, participaron xa 2.303 pemes.

Cámara e Santander convocan o IV Premio Peme do Ano 2020 en Lugo
comentarios