Sábado. 22.09.2018 |
El tiempo
Sábado. 22.09.2018
El tiempo

As licenzas das cafeterías dos centros educativos da capital, as máis desexadas

Alumnus do Lucus Augusti. AEP
Alumnus do Lucus Augusti. AEP

A maioría tivo máis dunha solicitude para xestionalas durante o curso que empeza

LUGO. As cafeterías dos centros educativos da capital foron as que máis interese espertaron no proceso de licitación destes servizos que levou a cabo a Consellería de Educación. Entre os oito centros que tiveron máis dun solicitante, cinco son da cidade. Trátase do CIFP Politécnico, os institutos Lucus Augusti, Nosa Señora dos Ollos Grandes e Leiras Pulpeiro e a Escola de Arte e Superior de Deseño Ramón Falcón. Na provincia, os máis desexados foron o CIFP Porta da Auga de Ribadeo; o IES Xograr Afonso Gómez de Sarria e o IES Basanta Silva, de Vilalba.

En total, sacáronse a concurso 33 sublotes, correspondente cada un deles a un centro. Cinco quedaron desertos, isto é, non tiveron ofertas ou os licitadores foron excluídos do procedemento. Estes cinco servizos son os correspondentes ao IES Lambas dos Quendas e Val do Asma de Chantada; o IES Poeta Díaz Castro de Guitiriz, o IES de Quiroga e o IES Gregorio Fernández de Sarria.

Nestes casos, segundo a Consellería de Educación, buscarase facer a adxudicación a través do procedemento negociado, isto é, cunha única mesa e invitación a tres empresas por cada centro educativo para que presenten as súas ofertas. A previsión é que estean adxudicadas por esta vía ao redor da primeira semana de outubro, mentres que os demais deberían estar listos para a semana próxma, cando empece o curso.

A adxudicación realízase por un curso, prorrogable a dous. Ata agora eran os propios centros os que se ocupaban deste trámite, pero coa entrada en vigor da Lei 9/2017 de Contratos do Sector Público é preciso ejecutrar unha licitación en aberto.

CONDICIóNS. O contrato das cafeterías esixe que os contratistas acheguen os medios materiais e persoais necesarios para desenvolver o servizo e considérase condición especial de execución a compra dos produtos utilizados na cafetería en establecementos radicados a menos de cen quilómetros da localidade onde se atopa a cafetería escolar.

Os adxudicados teñen que comprometerse a comprar as subministracións nun radio de 100 quilómetros da localidade

Ademais, débese acatar as normas sobre horarios, convivencia, hixiene e limitación de produtos e sustancias a servir que aprobe o consello escolar, así como garantir que os usuarios sexan atendidos en lingua galega ou castelá, segundo a súa elección, entre outras garantías.

Os licitadores reciben puntos por dispor de produtos sen gluten e de produtos lácteos de orixe galega, así como pola formación do persoal, que debe achegar unha certificación negativa do Rexistro Central de Delincuentes Sexuais,

As licenzas das cafeterías dos centros educativos da capital, as...
Comentarios