As forzas de seguridade buscan o condutor dun turismo que se deu á fuga tras atropelar o pasado luns a un sesaxenario na Ronda das Fontiñas. Testemuñas do accidente facilitaron datos sobre o modelo e a cor do vehículo que fuxiu e sobre parte do número da súa matrícula.
O atropelo produciuse ao redor das seis e vinte da tarde na Ronda das Fontiñas, cerca do cruzamento con Carril dos Indios. A vítima, de 63 anos de idade, acábase de baixar do seu turismo, tras aparcalo, cando o alcanzou outro vehículo. Declarou que intentou esquivalo sen éxito cando viu que se lle botaba encima e que se "lanzou" contra o seguinte coche que estaba estacionado.
O ferido atópase hospitalizado. Sufriu a rotura do fémur dunha perna, entre outras contusións. Está pendente de ser intervido cirurxicamente.
