Axentes da Policía Local de Lugo identificaron este domingo a un mozo que portaba 13,5 gramos de haxix e case un gramo de marihuana nas festas de San Froilán.
Con motivo do Plan de Seguridade montado polos axentes por mor desta celebración, dous policías que patrullaban o recinto feiral observaron este domingo a un mozo sentado nun banco na rúa Puro Cora que, ante a presenza dos axentes, mostrou un "evidente estado de nerviosismo", levantándose de forma repentina e botando a correr cara á rúa Ribadeo.
Dado este comportamento, os policías procederon a darlle o alto, aínda que o mozo seguiu correndo e os axentes déronlle alcance á altura do número 2 da rúa Ribadeo.
Tras cachealo, localizaron no seu poder 13.5 gramos de haxix e case 1 gramo de planta de cannabis. O mozo foi identificado como S.M.T.
