Unha dotación de bombeiros tivo que acudir a media tarde deste domingo ante a alerta dada por un lume declarado no Garañón, o polémico edificio a medio construír nas costas do Parque. Tratábase dos restos dunha fogueira feita nunha das plantas baixas do edificio, para a que se utilizaron, entre outras cousas, materiais plásticos e pneumáticos, o que provocaba un fume denso e un forte cheiro.
Unha vez localizada a fonte do fume, os tres bombeiros que formaban a dotación non tiveron problemas para controlar totalmente a fogueira.
Suponse que o lume foi provocado por algunha das cuadrillas de rapaces que ultimamente adoitan merodear polo enorme esqueleto do edificio. Nas últimas semanas detectouse incluso que algúns destes adolescentes dedícanse a derrubar as paredes de ladrillos e incluso a lanzar lastros ao baleiro, unha situación pola que se reclamou ao promotor da obra, que está valada, un incremento na vixilancia do perímetro.
