Os bombeiros sufocaron este sábado un incendio nun piso da Avenida da Coruña da capital lucense que se orixinou por unha chama nunha cociña de gas.
O lume tivo lugar ao redor das once da mañá no número 68 desta avenida, entre as rúas Irmáns Carro e Otero Pedrayo.
Os veciños do edificio saíron á rúa mentres os bombeiros extinguían o incendio e aireaban a vivenda no que se produciu.
Ademais de dúas unidades dos bombeiros, desprazáronse dúas patrullas da Policía Nacional. Ante ese amplo despregue decenas de curiosos seguiron os labores desde a beirarrúa de en fronte.