O BNG aposta pola renovación do seu equipo na Deputación, que integrarán Maite Ferreiro, de Lugo; Efrén Castro, de Sarria, e a xa anunciada Mónica Freire Rancaño, de Ribadeo.
Os militantes aprobaron o luns por unanimidade en asemblea que os deputados polo partido xudicial de Lugo sexan Ferreiro e Castro e agora só falta oficializar a designación, un paso que se dará o
Tras ese paso, quedarán xa designados todos os deputados da nova corporación, que previsiblemente, constituirase o
A alianza para un goberno de strong PSOE e BNG foi confirmada onte pola formación frontista, que en resposta á petición de Elena Candia de que se deixe gobernar ao PP por ser o partido máis votado, fixo público un comunicado no que confirmaba a súa decisión de facilitar un goberno alternativo ao PP na Deputación.
"Nin por activa nin por pasiva ou Bloque permitirá que goberne ou PP en ningún concello ou deputación provincial cando exista unha opción alternativa, sempre en clave de país e de progreso", sinalou a formación nun comunicado asinado pola súa coordinadora de política municipal, Eva Vilaverde.
Doutra banda, o secretario do PSOE defende que os lucenses votaron maioritariamente polos partidos de esquerda e instou a Elena Candia a entender a mensaxe dos cidadáns da provincia
O modelo do BNG para as deputacións está nas "antípodas" do que propugna o PP e que é o que pon en práctica en Ourense, sinala Vilaverde.
O BNG si insta ao PP a colaborar para sacar adiante todas as medidas que redunden en beneficio dos cidadáns. Apela á responsabilidade dos populares e di que hai que tratar de mellorar o funcionamento e a xestión da institución en beneficio dos cidadáns.
O secretario provisional do PSOE, José Antonio Quiroga tamén rexeitou onte a petición de Elena Candia de que se deixe gobernar ao Partido Popular.
Quiroga ve na proposta de Candia "desesperación" porque ve perigar o seu posto á fronte do PP de Lugo como consecuencia duns resultados electorais que o socialista tacha de "nefastos".
O secretario do PSOE defende que os lucenses votaron maioritariamente polos partidos de esquerda e instou a Elena Candia a entender a mensaxe dos cidadáns da provincia.
Quiroga atribúe a demanda de Candia a que esta loita pola súa supervivencia política tras as eleccións, pero instou á presidenta provincial do PP a reflexionar para entender a mensaxe que deron os lucenses nas urnas o pasado 26 de maio.
A Deputación traballará polos cidadáns fronte a un Feijóo que se revelou como inimigo de Lugo, engadiu o secretario do PSOE.
