A raíña enxoiada de ouro, a nai humilde e o símbolo do ascenso da humanidade. Á Virxe María atribúenselle moitos nomes e características, pero só hai unha Virxe dos Ollos Grandes que protexa a Lugo. A catedral volveu acoller este mércores un acto solemne polo día da Asunción da Virxe, unha data na que a corporación municipal e os fieis homenaxean á patroa.
Unha comitiva formada por membros da corporación saíu en procesión cara ao gran templo desde a casa consistorial, como é tradición. Con todo, como nos últimos anos, non houbo representantes de Lugonovo e BNG.
O interior da catedral atopábase abarrotado de fieis e turistas que sacaban fotografías e seguían os actos litúrxicos. A música non tardou moito en encher a estancia cunha melodía sincera de devoción por parte dos crentes.
O bispo Alfonso Carrasco recordou na súa homilía a relevancia desta festa, xa que representa o ascenso da primeira humana aos ceos e o amor entre nai e fillo. O sacerdote destacou que esta crenza converteuse en dogma de fe en 1950, "só cinco anos logo da Segunda Guerra Mundial", un feito nada casual, dixo.
O bispo referiuse ao dano que se fan os seres humanos, como nas guerras polo "desprezo" que ás veces se profesan
O bispo pediu reflexionar sobre a guerra, a violencia que se inflixen os humanos e sobre como o "desprezo" entre as persoas xoga un papel crucial. Carrasco puxo como exemplos os campos de concentración, os bombardeos indiscriminados e os ataques nucleares. Tamén puxo outros exemplos de violencia entre humanos como a trata de persoas e pediu mirar máis aló do mundo terreal. A máxima figura da diocese insistiu no exemplo de María nas escrituras.
A alcaldesa, Lara Méndez. volveu entregar as flores despois de que o ano pasado non puidese facelo debido a unha lesión
Unha vez concluída a misa, os relixiosos e o resto da comitiva dirixíronse á capela da Virxe dos Ollos Grandes para a tradicional ofrenda floral. A alcaldesa, Lara Méndez, volveu entregar o cesto de flores despois de que o ano pasado un accidente llo impedise.
O primeiros escrito que relacionan a Santa María con Lugo datan da Idade Media, nunha crta do rei Bermundo II
Este xesto representa o compromiso das autoridades da cidade cos veciños crentes e o culto á Virxe. A relación entre Lugo e a santa data da Idade Media cando xa existen rexistros —un texto do rei leonés Bermudo II en 991—, que mencionan a Santa María e a cidade amurallada.
Lugo celebra 250 anos sen peste
Naquel momento, a capela na que se atopaba o santo tiña pouco máis de 30 anos, aínda que xa fora desde sempre un lugar santo. As autoridades acudiron a San Roque, famoso por ser un protector contra as pestes, para que terminase coa epidemia.
A enfermidade abandonou a cidade e a corporación comprometeuse a honrar ao santo polos seus servizos a partir dese momento. Esta tradición cumpre 250 anos e continúa tan viva como outrora. O seu arraigamento é tal que nin sequera se deixou de realizar a ofrenda durante a Guerra Civil.
Procesión
A corporación municipal volverá á saír en procesión pola mañá cara á antiga capela, onde haberá misas durante todo o día.
