O novo barrio multiecolóxico da cidade de Lugo construirase con altas miras para converterse nun proxecto pioneiro e un referente en España e Europa nas "medidas sostibles tanto no concepto de barrio como na planificación urbanística e edificatoria" que, ademais "mellorará a calidade de vida".
Así o explicou este xoves a alcaldesa da cidade, Lara Méndez, na presentación do proxecto á veciñanza luguesa e, concretamente, do barrio da Garaballa, onde se van a acometer as novas construcións e obras.
A idea é que esta zona da cidade "integre na medida do posible as edificacións xa existentes nesta zona, excepto aquelas que supoñan un gran impacto ambiental". En total, son 268 (o 92% das edificacións) as que poderán seguir en pé, segundo un estudo da empresa que deseña as bases do novo barrio, a UTE Avento-Proy.
As 22 restantes supoñen un alto impacto ambiental, catro son vivendas fóra de ordenación, abandonadas e deshabitadas, e 18 son elementos auxiliares que están construídos no seu maior parte con fibrocemento (un material altamente contaminante), chapa, plásticos ou restos de obra.
Os principais obxectivos radican na vivenda, o transporte, as instalacións e servizos recreativos e comunitarios, os espazos públicos e o pequeno comercio
BARRIO VERDE. Pola súa banda, Lara Méndez comentou que esta aposta verde no espazo urbano —o que define como aldea urbana— permitirá unha "mellor calidade de vida", así como tamén permite "loitar contra o cambio climático", un reto e unha oportunidade que xorde para "xerar unha contorna urbana equilibrado, habitable e sostible".
Baixo esta premisa, os veciños serán capaces de adquirir novos hábitos de vida máis saudables e o sector forestal atopará unha forma de impulsarse, xa que "a madeira será parte fundamental da estrutura dos edificios", explicou Mendez. "Lugo poderá e deberá enorgullecerse do baixo nivel de CO2 que emitamos á atmosfera porque significará que estamos a dar grandes pasos para deixar unha muller mellor aos nosos fillos", engadiu.
INTEGRACIÓN SOCIAL. Da mesma xeito que se busca potencial o ámbito económico, a alcaldesa luguesa non esquece a importancia do social. O proxecto "busca garantir a inclusión e a equidade social e intergeneracional, así como promover a saúde e o benestar mediante o desenvolvemento dunha aldea urbana que proporcione á veciñanza un amplo abanico de usos no barrio".
Os principais obxectivos radican na vivenda, o transporte, as instalacións e servizos recreativos e comunitarios, os espazos públicos e o pequeno comercio.
