A concelleira de Cultura e Turismo de Lugo, Carmen Basadre, negou este mércores que o Concello copiase o slogan utilizado por unha coñecida industria cárnica lucense para promocionar a cidade e como un das lemas destacados na oferta que presenta estes días na Feira Internacional de Turismo de Madrid (Fitur). Segundo a edila, esa lema, 'Lugo, Saber e Sabor', vén sendo utilizado de forma habitual polo Concello para promocionar a cidade desde hai polo menos seis meses", polo que non ten nada que ver coa campaña publicitaria lanzada por esa empresa, tal e como denunciaba o martes o grupo municipal de Ciudadanos.
Dixo Basadre que se utilizou a palabra "saber" para facer referencia ao rico patrimonio histórico e cultural que atesoura a cidade e ao concepto "sabor" polo destacada que é a oferta gastronómica de Lugo. Precisou que o Concello utilizou esa lema no último medio ano en diversas revistas especializadas para promocionar a cidade, sen que exista vinculación algunha coa "campaña de Nadal" da industria cárnica.
Nese sentido, precisou que o Arde Lucus é a festa que evoca o pasado romano da cidade, pero "tamén hai unha cafetería e un restaurante con ese nome", e o San Froilán son as festas patronais de Lugo, pero tamén "o nome dunha empresa de limpeza".
