Continúa a celebración de festas ilegais nocturnas en pisos da capital lucense, a pesar das restricións das autoridades sanitarias pola pandemia. Unha patrulla da Policía Local acudiu este mércores, ás tres menos cuarto da madrugada, á Rúa Xosé Novo Freire, xa que os veciños queixábanse de ruídos que proviñan dun piso.
Os axentes comprobaron desde o exterior da vivenda e nas zonas comúns do edificio música nun ton elevado e voces de persoas en actitude festiva, polo que identificaron ao responsable e levantaron acta de denuncia por infracción á ordenanza de protección ambiental.