Axentes da Policía Local de Lugo auxiliaron unha muller cuxa filla de dous anos quedou encerrada no seu vehículo tras pecharse por descoido o coche. Ás 11.00 horas deste xoves unha patrulla acudiu á rúa Fonte da Bica para axudar a nai.
Mentres que un dos axentes quedou custodiando o coche e "tranquilizando á nena", o outro trasladou "urxentemente" á muller ao domicilio onde recolleu unha chave, segundo informaron desde a Policía Local.
Finalmente, abriron a porta do vehículo "aos poucos minutos" e comprobaron que a nena "estaba en perfecto estado".
