Axentes da Unidade Territorial de Policía de Barrio da Policía Local acudiron o sábado a unha vivenda da Rúa Ourense para colaborar cunha dotación dos sanitarios do 061 no traslado dun home de 70 anos. O ancián caeu no seu domicilio e fracturouse a cadeira.
Tamén este fin de semana, a Unidade de Atestados interveu en catro colisións con sete turismos implicados en Lugo. En Fontiñas envorcou un coche e na Rúa Dolmen un condutor impactou contra unha columna. Dous vehículos chocaron na Rúa Factoría e outros tres coches chocaron en Fonte dos Ranchos.