O goberno local concedeu este mércores licencia para construír un edificio que se dedicará a bar-restaurante e no que os promotores investirán 334.639 euros. A obra deberá estar realizada no prazo de dous anos.
A xunta de goberno municipal tamén aprobou o cambio de uso, de oficina a apartamentos turísticos, dun inmoble no Carril do Xuízo. A idea é reconverter en pisos turísticos oito locais e o investimento será de 266.692,82 euros.
Autorizouse tamén na reunión unha obra nunha subestación eléctrica en San Cibrao
Deuse o plácet, ademais, á agregación de dúas parcelas para permitir, axustándose ao Pepri, levar a cabo unha actuación conxunta en dous inmobles contiguos da Praza Maior da cidade.