Lugo xa ultima os preparativos para acoller o esperado Caudal Fest, o festival que se celebra este venres e sábado na cidade e que conta con artistas da categoría de Vetusta Moral ou Iván Ferreiro.
Un dos flocos pendentes que tiña a cita era coñecer o servizo de transporte público ata o recinto do Pazo de Feiras e Congresos. O Concello confirmou este mércores que facilitará autobuses gratuítos cada 15 minutos. A alcaldesa de Lugo, Lara Méndez, anunciouno nunha visita ao recinto acompañada do xerente do mesmo, Rubén López, e dos organizadores do festival, David e Iván Méndez. Alí supervisaron os traballos de montaxe de escenarios e demais servizos.
En concreto, os buses lanzadeira sairán desde a Praza de Bretaña as dúas xornadas de festival, con saídas continuas o venres desde as 18.00 ata as 02.15 horas desde en centro de Lugo e de 18.15 a 02.30 desde o recinto situado á beira do río Miño. O sábado, o servizo comezará ás 14.00 horas e acabará ás 04.00 da madrugada do domingo.
Os servizos reforzaranse ao comezo e final das dúas xornadas, así como tras os concertos de Rulo y la contrabanda e de Vetusta Morla, os cabezas de cartel de cada día. Neses casos haberá catro en lugar de dous autobues e saídas cada sete minutos.
Tanto a alcaldesa como os organizadores mostráronse satisfeitos pola acollida do Caudal Fest, con máis de 10.500 entradas vendidas, 650 persoas con reserva na zona de descanso e a oferta hostaleira cuberta desde o verán.
