Un mozo con iniciais R.C.M. terá que realizar traballos en beneficio da comunidade durante catro meses por atacar a dous policías que acudiron ao seu domicilio para deter ao seu pai. O mozo, de orixe romanesa, recoñeceu onte os feitos no Penal número 1 de Lugo e aceptou unha condena de seis meses de cárcere, pero as partes acordaron suspenderlle a pena de prisión se cumpre 120 días de traballos e non volve delinquir en dous anos.
O ministerio fiscal explicou que o 24 de xaneiro de 2017, pouco antes das doce da noite, dous axentes da Policía Nacional acudiron á vivenda familiar do acusado para deter ao seu pai, xa que a nai solicitara a súa presenza tras un altercado entre a parella.
Cando chegaron os axentes, o mozo comezou a insultalos e ameazounos, ao mesmo tempo que lles dicía: "Ao meu pai non o tocades". Acto seguido, enfrontouse cun dos policías, sen chegar a ocasionarlle lesións. Como non se tranquilizaba, o mozo foi detido e acusado dun delito de atentado.
O ministerio público recoñece que, no momento dos feitos, o mozo atopábase baixo os efectos do alcol, polo que lle aplicou a atenuante de embriaguez. A acusación solicitaba inicialmente para el unha condena de nove meses de cárcere.
