As asociacións animalistas Libera! e Fundación Franz Weber solicitan aclarar as causas da morte do gato que unhas veciñas arroxaron dunha terceira planta dunha vivenda da rúa Pena do Rei o pasado xoves.
"Este caso súmase a outros recentes como a aparición de dous cans mortos nunha vivenda da rúa Pintor Villamil a mediados do mes pasado", indican ambas as asociacións.
Os animalistas mostran "preocupación" polo "continuo goteo de sucesos relacionados con animais" e sinalan que nalgúns casos, "parecen existir condutas neglixentes e noutros directamente malos tratos". Ademais, piden, "con urxencia", que o Concello poña en marcha campañas de sensibilización para previr este tipo de actos na cidade.
Libera! contactará co goberno local para ofrecer a súa cooperación e "evitar que a urbe deixe de ser noticia por estes sucesos".
