Asistente de voz 'made in Lugo'

Alumnos da Escola, Ergin Kamberov e César Abilleira exploran o futuro tecnolóxico en busca de solucións para problemas de ámbito social, empresarial ou de saúde.

Ambos son estudantes de segundo curso do grao en Robótica que se imparte en centro universitario lucense e acaban de lograr o terceiro posto no certame Explorer Space Lugo.

Peral Project baséase no desenvolvemento de asistentes virtuais de conversación a través de procesos de intelixencia artificial. Este enxeño de nova xeración traballa cunha intelixencia desenvolvida pola rede neuronal na nube.

O produto que pretenden comercializar ambos os emprendedores leva o nome de Pal e a intelixencia artificial que o controla é Volt. Para finalizar a produción e o lanzamento, necesitan 70.000 euros. Durante a súa exposición no Explorer Space foron moitos os interesados en apoiar este proxecto, así que os patrocinadores poderían están ao caer.

Esta tecnoloxía é capaz de sacar máximo rendemento a calquera dispositivo electrónico, conectándose de forma sinxela como asistente virtual. Volt céntrase en funcións ligadas a sectores tan distantes como "a empresa e o traballo, concentración nos estudos, entretemento e lecer, coidados e saúde, e a axuda a colectivos con capacidades reducidas". Este factor achega un escenario de simbiose entre humano e máquina, conta o herculino Ergin Kamberov.

Unha das características singulares deste asistente de voz é que non é posible a súa descarga dixital en dispositivos móbiles, co que se salvagardan os datos persoais do usuario. Coa aplicación deseñada exclusivamente para Pal, o usuario é capaz de interactuar mediante voz con todos os seus dispositivos intelixentes.

Aplicación principal. A intelixencia artificial Volt céntrase nun amplo abanico de funcións. Algunhas delas mellorarán a calidade de vida das persoas.

A máis relevante delas descansa na capacidade "de detectar as vibracións que atopa, imperceptibles ao oído humano", conta Kamberov. Grazas á conexión cun sensor, Volt detecta o ritmo cardíaco ou as pulsaciones do usuario e pode realizar predicións razoables sobre posibles anomalías na súa saúde.

"O que realmente nos motivou para levar a cabo este proxecto é a axuda que poderiamos prestar cara á saúde das persoas", comenta Abilleira, xa que os asistentes actuais están aínda "en cueiros", confesa Kamberov.

Volt ten a capacidade de crear sistemas de estudo ou actuar como asistente para persoas con discapacidade intelectual, xa que puiden reducir textos de strong <>difícil comprensión a outros máis sinxelos.

Este asistente virtual supera a outras intelixencias artificiais xa no mercado, como Alexa ou Siri, xa que dispón dun chat máis avanzado que nutre as súas respostas coas preguntas do usuario e, así, desenvolve a súa capacidade de aprendizaxe, defenden os creadores do dispositivo.