O acordo deste asunto, que era o máis controvertido que figuraba na orde do día, foi tomado polo 82% dos socios compromisarios que asistiron. Votaron 59 a favor da expulsión, nove abstivéronse e catro fixérono en contra.
A asemblea, que durou máis de tres horas, arrincou con polémica. Unha dotación da Policía Local acudiuse a requirimiento de dúas persoas que non puideron acceder. Estes acudiron con poderes notariais, pero como non son socios titulares, non lles permitiron o paso.
Tamén se impediu o acceso a outros tres socios que deron positivo na proba de antígenos que se realizou a todos os asistentes. Esta proba, custeada pola entidade, adoptouse como medida de prevención.
O aforamento na facultade de Veterinaria estaba limitado a 154 persoas polas restricións acordadas fronte á pandemia. A asemblea era só para compromisarios, pero a directiva permitiu o acceso a unha decena de socios de número pois só cubriuse cos primeiros a metade desa capacidade permitida.
EXERCICIOS ECONÓMICOS. A asemblea xeral tamén deu o visto e prace ás contas de 2019, que presentaban "un déficit que xa foi corrixido" no exercicio seguinte, segundo precisou a xunta directiva, así como ao orzamento de 2020. Ambas as terían que ser xa aprobadas o
Como xa adiantou nas vésperas desta asemblea a directiva desta entidade que conta cuns 17.000 socios, entre titulares e beneficiarios, durante o presente exercicio nin se subirán as cotas aos socios, nin se realizarán despedimentos.
LIMITACIÓNS. Debido á nova normativa establecida pola administración autonómica para combater o covid-19, desde onte o Club Fluvial ten pechadas duchas, sauna, spa e vestiarios e as clases de fitness son con cita previa. O ximnasio segue ao 50%.