O tenente de alcaldesa Rubén Arroxo visitou este venres as obras de mantemento que se están a levar a cabo no Carril das Hortas, onde se está a traballar na banda de rodadura.
A concellería de Infraestruturas aplica unha mestura asfáltica en quente, "o que asegurará un selado do firme ante a acción da auga superficial, e garantirá unha duración prolongada da actuación", según explican nun comunicado.
Arroxo lembrou os últimos traballos que se realizaron en Fontiñas, entre os que destacou a rotonda de San Eufrasio. "Unha actuación moi necesaria para a zona e para a cidade, que permitiu eliminar un punto negro da cidade", explicou o tenente de alcaldesa.
"A rotonda aumentou a distancia de visibilidade da zona, e eliminou a necesidade de facer xiros á esquerda, o que en conxunto mellora a seguridade viaria na zona", engadiu.
O Concello tamén mellorou a accesibilidade no Carril dos Indios e adaptou os rebaixes das beirarrúas ao longo da avenida.