sábado. 11.07.2020 |
El tiempo
sábado. 11.07.2020
El tiempo

O Arde Lucus virtual chegou a máis de 350.000 persoas de Europa e América

Un dos actos desta edición do Arde Lucus. VITORIA RODRÍGUEZ
Un dos actos desta edición do Arde Lucus. VITORIA RODRÍGUEZ

As publicacións promovidas polo Concello chegaron a internautas de países como Reino Unido, Portugal, Estados Unidos, Arxentina, Alemaña, Italia, Francia, Romanía, Colombia ou Brasil

O Concello de Lugo informou de que a XIX edición do Arde Lucus, a festa de Interese Turístico Nacional que evoca o pasado romano da cidade, chegou a máis de 350.000 persoas de toda Europa e de América, de acordo co impacto das publicacións en redes sociais desta celebración virtual, como consecuencia do coronavirus. 

Segundo informou o goberno local de Lugo, as publicacións promovidas polo Concello para celebrar de forma virtual o Arde Lucus e manter "viva a chama da festa" chegaron a internautas de países como Reino Unido, Portugal, Estados Unidos, Arxentina, Alemaña, Italia, Francia, Romanía, Colombia ou Brasil. 

De feito, os contidos publicados a través de Facebook, Twitter, Instagram ou Youtube superaron as 135.000 reaccións, entre comentarios, publicacións compartidas ou likes. 

Con respecto aos contidos audiovisuais, os vídeos colgados rexistraron máis de 85.000 reproducións en menos dunha semana. 

Ademais, o Concello de Lugo elaborou un anuncio promocional desta edición da festa, diferente a outros anos, coa participación de representantes das 19 asociacións vinculadas á celebración. 

O Arde Lucus virtual chegou a máis de 350.000 persoas de Europa e...
comentarios