LUGO. A situación do parque Marcos Cela volve inquietar aos condutores. Tras os recentes esborralles de terra e pedras, agora unha árbore de importantes dimensións esborrallouse e quedou a poucos metros da N-VI, en concreto sobre a rotonda que dá acceso á ponte branca.
O Concello asegurou o luns que o informe do servizo de Arquitectura insiste en que, tras o recente deslizamiento nunha ladeira, non hai perigo no resto do parque.
A pesar deses informes técnicos do Concello, os condutores ven con preocupación o estado do parque, afectado tras un inverno que foi moi chuvioso e que en varios momentos pareceu afectar á estabilidade do terreo.
A caída da árbore a poucos metros da vía é o último problema detectado polos veciños.
En tanto, hai condutores que tamén miran con receo o estado dunha roca de grandes dimensións que hai en Volta da Viña, na base dese parque.
Na contorna desa roca houbo desprendementos e aprécianse algunhas gretas, aínda que tamén hai veciños que sosteñen que é sólida.
Fomento asegurou recentemente que se o parque seguía xerando problemas exporíase reclamar ao Concello a drenaxe desa zona verde.